රසවත් මැලේ අච්චාරුවක් හදාගන්න පහසුම ක්‍රමය

අවශ්‍ය ද්‍රව්‍ය

• රටඉඳි 200g
• රතුලූනු 150g
• කැරට් 100g
• මාළුමිරිස් 150g
• හොඳින් පැසුණු ඇඹ‍රැල්ලා ගෙඩියක්
• කුඩා අන්නාසි ගෙඩියක්
• අඹරාගත් සුදුළූණු බික් 8
• ඉඟුරු කැබැල්ලක්
• මිරිස් කුඩු මේස හැඳි 2
• විනාකිරි කෝප්ප 1/2
• අඹරාගත් අබ මේස හැඳි 1
• සීනි මේස හැඳි 4
• අවශ්‍ය පමණ ලුණු

සාදන ක්‍රමය

• රටඉඳි වල ගෙඩි 5-6 ක ඇට හැර කුඩාවට කපන්න.
• ඉතිරි ටික ඇට හැර අඹරා ගන්න.
• මෙය මැටි බඳුනකට දමා එයට විනාකිරි කෝප්ප 1/2 ක් වතුර කෝප්ප 1/4 ක්, අඹරාගත් අබ , ඉඟුරු , සුදුළූණු , ලුණු මිරිස් කුඩු , සීනි දමා තරමක් උකු සෝස් එකක් වන ලෙස උණුකර ගන්න.
• මෙය ලිපෙන් බාන්න. ඉන්පසු එයට කපාගත් කැරට් , මාළුමිරිස් , අන්නාසි අඹ‍රැල්ල , රටඉඳි එකතු කර ගන්න.
• මෙහිදි කපාගත් රටඉඳි වෙනුවට වියළි මිදි එකතු කිරීමට පුළුවනි. මෙය හොඳින් මිශ්‍රකර වසා දිනක් පමණ තිබෙන්නට හැර කෑමට ගන්න.