බොහෝ
දුරට සෑම නිවෙසකම සිටිනු දක්‌නට ලැබෙන සතුන් අතරින් හූනාට හිමිවන්නේ ප්‍රධාන ස්‌ථානයකි.
එහෙත් කටුස්‌සා නිවෙස්‌වලින් පිටත බොහෝ දුරට ගස්‌වැල්වල ජීවත්වන සත්වයෙක්‌ වශයෙන් හඳුන්වා දීමට පුළුවන. බොහෝ
අවස්‌ථාවලද හූනා මෙන් ම කටුස්‌සා අපට පෙර නිමිති කියන්නට ඉදිරිපත්වන සතුන් වශයෙන්
ප්‍රකට කරුණකි.
සමහර
අවස්‌ථාවලදී යම් පුද්ගලයකු නිවසින් පිටවී ගමනක්‌ යන්නට සූදානම් වන විට හූනාගේ
හැඩීම අශුභ ලක්‍ෂණයක්‌ යැයි බොහෝ දෙනකු විශ්වාස කරති.හූනන්, කටුස්සන්, ඇඟට වැටීම ද
අශුභ පෙර නිමිත්තක්‌ යෑයි කවුරුන් වුවද තරමක්‌ බියගුළු බවක්‌ දක්‌වති. නමුත් එය
බිය වීමට පත් කරුණක්‌ නොවේ. සුබ අසුබ පල දෙකම උදා කරන අවස්‌ථා ඇත.
තිථිය, ලග්නය, නැකත, දවස, දිශාව ආදිය පිළිබඳව ද විමසිලිමත්ව සිතා
බලා ප්‍රතිඵල පිළිබඳව නිවැරැුදිව තීරණයක්‌ ගත යුතුයි.හූනෙක්‌ හෝ කටුස්‌සෙක්‌ ඔබේ
ඇඟට වැටුණු අවස්‌ථාවේදී එම වේලාව වැටුනේ කොතැනට ද යන්න හොඳින් මතක තබා ගන්න.
ඉන්
පසුව මෙම ලිපියේ විස්‌තර කර ඇති පරිදි ශුභ අශුභ පිළිබඳව තීරණයක්‌ ගන්න. මුලින්
සඳහන් කළ පරිදි තිථිය, ලග්නය, නැකත, දවස
ආදිය පිළිබඳ ඔබට වැටහීමක්‌ නොවේ නම් එය දැන ගැනීමට දෛවඥයෙක්‌ ලඟට ගොස්‌ ප්‍රශ්නය
විසඳාගන්න.
හූනා
හෝ කටුස්‌සා ඇඟට වැටුනේ ශටවක, අටවක, දොළොස්‌වක, රිට්‌ටා
පෝය තිථිවලින් එකක්‌ යෙදී ඇති, ඉරිදා, අඟහරුවාදා, සෙනසුරාදා දිනක ද බෙරණ කැති,
මුවසිරස, අද, අස්‌ලිය,
මා, විසා, දෙට
මුල, සුවන, පුවපුටුප, උත‍්‍රපුටුප යන නැකැත්වලින් එකක්‌ද, වෘෂභ,
මිථුන, කටක, කන්‍යා,
කුම්භ, මීන යන ලග්නවලින් එකක්‌ ද උදා වී
පවතින අවස්‌ථාවක නම් අශුභඵල දීමට හේතු වන බව ජ්‍යොතිෂ්‍ය ශාස්‌ත්‍රයේ සඳහන් වෙයි.
අනෙකුත් තිථි ලග්න නැකැත්වලින් ඇඟට වැටීම ශුභඵල උදාවීම හෝ ප්‍රතිඵල ශූන්‍ය වෙයි.
ඉහත
සඳහන් ආකාරයෙන් හූනා ඇඟට වැටුණු ස්‌ථානය පිළිබඳව විග්‍රහ කර බලන කල හිසට වැටීම, කලකෝලාහලයක්‌ ද, මුහුණට
වැටීම, ඥාතීන්ගේ පැමිණිමක්‌ ද, නළලට වැටීම නම්බුනාම, තානාන්තර හිමිවීමද,
බැම මැදට වැටීම ඥාතීන්ට විපත්ද, බැමට
වැටීම රජයෙන් ලාභ ප්‍රයෝජන ගෞරව ලැබීමත්, ඇසට වැටීම හිරේ
වැටීමට සිදුවීමක්‌ පෙන්නුම් කරයි. නාසය උඩට වැටීම රෝග පීඩා ද, උඩුතොලට වැටීම වස්‌තුව ධනය විනාශ වීම ද. මුඛයට වැටීම භය, ත්‍රාසය ගෙන දීමත්, යටිතොලට වැටීම වස්‌තුව
ලැබීමකි. නිකටට වැටීම රජයෙන් දඬුවම් ලබන වරදකට අසුවෙයි.
කටුස්‌සා
වැටුණේ දකුණු කනට නම්, දීර්ඝායුෂ හිමිවීමත්, වම් කනට නම් වෙළෙඳ ව්‍යාපාරවලින්
විශේෂ ලාභ ප්‍රයෝජන හිමිවීම ද හිසකෙස්‌වලට වැටීම මරණය සිදුවීමත්, බෙල්ලට වැටීම සතුරන්ගෙන් කරදර බාධක හානි සිදුවීමත්, දකුණු උරහිසට වැටීම නිරෝගී වීමත්, වම් උරහිසට
වැටීම ස්‌ත්‍රීන්ගෙන් සැප සම්පත් ලැබීමත්, දකුණු වළලූකරට
වැටීම කීර්ති ප්‍රශංසා හිමිවීමද වෙයි.
දකුණු
අතට වැටීම භයානක මරණයක්‌ද. වම් අතට වැටීම ශෝකී මරණයක්‌ ද, දකුණු අතේ ඇඟිලි වලට වැටීම රජයෙන් ලාභ ප්‍රයෝජන
හිමිවීම ද, වම් අත ඇඟිලි වලට වැටීම තම මිත්‍රයන් අමනාප
වීම ද සිදුවෙයි. පපුවට වැටීමට ධන ලාභයක්‌ ලැබීම ද, ස්‌ත්‍රීන්ගේ
පියයුරු මතට වැටීම ගෞරව සම්මාන හිමිවීම ද, බඩට වැටීම ධාන්‍ය ගොවිතැන්වලින් ලාභ ද, නැබට
වැටීම ලාභ ලැබීම ද, දකුණු ඇලයට වැටීම දියුණුවට අවස්‌ථා
උදාවීම ද වම් ඇලට වැටීම මරණයද, පිට කොන්දට වැටීම දිව්‍ය
ලාභ ද, පිටට වැටීම ශුභ සම්පත් හිමිවීම ද, ලිංගයට වැටීම දරිද්‍රයද, යෝනියට වැටීම වස්‌තුව
ලැබීම ද කලවට වැටීම පියාට විපත් කරදර ඇති වීමට හේතු ද වෙයි.
දකුණු
කෙණ්‌ඩවලට වැටුනේ නම් අපේක්‍ෂා නොකළ පාඩු ද, වම් කෙන්ඩයට වැටීම කළකෝලාහල ද, ඇස්‌වටයට වැටීම
සැප සම්පත් හිමිවෙයි.
දකුණු
පාදයට වැටීම දුක්‌ කරදර ද, දකුණු පාදයේ ඇඟිලිවලට වැටීම නඩුහබවලට අසුවීම ද, වම් පාදයේ ඇඟිලිවලට වැටීම වේදනා සහිත රෝග පීඩා බලපෑම ද, නියපොතුවලට වැටීම ධනය හානි වීමට ද හේතු වෙයි. හූනා, කටුස්‌සා ශරීරයේ දිව්වේ නම් දීර්ඝායුෂ හිමිවන බව ද පැරණි ජ්‍යොතිෂ ග්‍රන්ථයන්හි
සඳහන් වෙයි.
No comments:
Post a Comment